Lúkasarguðspjall:8:22-25
Dag nokkurn vildi Jesús fara yfir um Galíleuvatnið. Hann steig um borð í bát og lærisveinarnir fóru með honum. Skyndilega gerði mikinn storm og öldurnar gengu yfir bátinn sem veltist um í rótinu og nær fylltist. Þeir voru komnir í sjávarháska og urðu frávita af skelfingu.
En Jesús svaf værum svefni í skuti bátsins.
Lærisveinarnir vöktu hann.
,,Hjálpaðu okkur,” hrópuðu þeir ,,við förumst!”
Jesús spurði þá: ,,Hvers vegna eruð þið hræddir?”
Síðan stóð hann upp í bátnum og hastaði á storminn og öldurnar.
Og storminn lægði á augabragði og vatnið kyrrðist.
Jesús spurði lærisveinana: ,,Hvar er trú ykkar?”
En lærisveinarnir urðu forviða og hræddir. Þeir sögðu hver við annan: ,,Hver er hann? Jafnvel stormur og öldur hlýða honum.”